азық-түлікті жаппай жою қаруларынан қорғау


азық-түлікті жаппай жою қаруларынан қорғау
азық-түлікті арнайы дайындалған ауа өткізбейтін қоймаларда сақтау арқылы қорғау. Ол үшін есіктер мен терезелер қымталып, саңылаулары жабысқыш ерітінділермен сыланады. Тағам өнімдері тереңдеп қазылған жайларда және арнайы бейімделген кен орындарында сақталады. Үй жағдайында А-т.ж.ж.қ.қ. ауа өткізбейтін целлофан, қағаз қаптарға және басқа сол сияқты ыдыстарға салу, сондай-ақ оларды тығыз жабылатын тоңазытқыштар мен шкафтарда сақтау арқылы жүзеге асырылады. Азық-түлікті нейтрон енген радиациядан оны шахталарға, метроға, кен алынған орындарға сақтау арқылы қорғауға болады. Су жинайтын ғимараттарды (скважиналарды, шегенді құдықтарды, бұлақтарды), сондай-ақ ауыз су резервуарларын, бұлақтарды радиациялық зақымданудан, улы зақымдаушы бактериялық қарулардан қорғау үшін кешенді ұйымдық, инженерлік-техникалық, санитариялық-гигиеналық және эпидемияға қарсы шаралар жүргізіледі. Үйде ауыз суды графиндерде, шелектерде, термостарда, ванналарда, т.б. сақтап, қор жасау керек. Барлық шағын ыдыстар қақпақпен нығыздалып жабылуға тиіс, ал шелектер мен ванналар клеенкамен, полиэтиленмен және басқа үлбір материалдармен жабылады. Бейбіт уақытта А-т.ж.ж.қ.қ. үшін төмендегідей шаралар жасалады: азық-түлік қоймала-рын тиімді орналастыру, азық-түлік қорларын бөліп орналастыру; азық-түлікті қорғау үшін қоймаларды, тоңазытқыштарды, кен алынған орындарды, подвалдарды, көкөніс сақтайтын қоймаларды, әр түрлі паналау орындарын пайдалану; азық-түлікті паналау ғимараттарына орналастыру; қоймалардың бөлгіш құрастырмаларын тығыздап бекіту, жабу материалдарын пайдалану, азық-түлікті тасымалдау кезінде өртке қарсы санитарлық-гигиеналық, жәндіктер мен кеміргіштерге қарсы күрес шараларын жүргізу.

Казахский толковый терминологический словарь по военному делу. — Мектеп.


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»

We are using cookies for the best presentation of our site. Continuing to use this site, you agree with this.